Polisi Wamshikiria Mchungaji kwa Kumkata Vidole Mtoto wa Miaka Miwili [PICHA]

Polisi wa kituo cha Sabo mnamo siku ya Jumanne walimkamata Mchungaji mwenye umri wa miaka 49, Moyo Martins, na kumfikisha kwenye Mahakama ya Yaba kwa kosa la kumkata vidole viwili mtoto mwenye miaka miwili, Saidat Faleye.

Tukio hilo limetokea kwenye Mtaa wa Olumo, Iwaya Onike, Yaba, kwenye Jimbo la Lagos nchini Nigeria, huku ikielezwa kwamba wakati tukio hilo likitokea mama wa mtoto alikuwa amemuacha mwanaye kwenye mikono ya mtuhumiwa aliyefahamika kwa jina la Bola Faleye ili aende kuoga.

Akiwa bafuni baada ya muda kidogo alisikia sauti ya kilio cha mwanawe hivyo akaamua kutoka bafuni na kumkuta mwanae akiwa tayari ameshakatwa vidole vyake viwili.

Haikuelezwa sababu za msingi zilizopelekea Mchungaji huyo kumkata videlo mtoto huyo, ila mwanzoni alipohojiwa alikana kuhusika na kitendo hicho, japokuwa mwishoni alipokuja kukamatwa na kubanwa na polisi alikiri kuhusika kufanya tukio hilo huku akiomba msamaha aachiwe.