Ferguson Kufanyiwa Upasuaji Wa Paja, Kuzikosa Mechi Za Mwanzo Wa Msimu

Sir Alex Ferguson

Imearifiwa rasmi kwamba meneja wa Manchester United, Sir Alex Ferguson, atafanyiwa operesheni ya paja katika kipindi cha majira ya joto.

 

Kwa hali hiyo, ni dhahili kwamba meneja huyo anaweza kuzikosa mechi za mwanzo wa msimu ujao wa Ligi Kuu ya nchi hiyo katika kulitetea taji lake.

 

Mkotishi huyo amekuwa na tatizo hilo kwa kipindi sasa, na anategemea kufanyiwa upasuaji huo kipindi timu yake itapokuwa imerudi kutoka kwenye ziara ya mechi za kujiandaa na msimu mpya.

 

Kurudi kutoka kwenye ziara hiyo itakuwa ni siku 18 tu kabla ya msimu mpya wa Ligi 2013/14 kuanza, muda ambao unaonekana ni mchache kwa meneja huyo mwenye umri wa miaka 71 kuweza kuwa amepona na fiti.

Mechi za United za kwenye kipindi cha majira ya joto zitahusisha ziara ya wiki tatu kwa nchi za Thailand, Australia, Japan na Hong Kong, kisha kurudi nchini Uingereza mnamo July 30.

Wanategemea kukutana na timu moja kati ya Manchester City na Wigan kwenye kombe la hisani, mechi ambayo itakayofanyika kwenye uwanja wa Wembley tarehe 11 August.