Mashabiki wa Bayern Wamtusi Mesut Ozil kwa Bango la Ushoga Kabla ya Mechi Dhidi ya Arsenal Kuanza [PICHA]

Bango lililowekwa na mashabiki wa Bayern kabla ya mechi na Arsenal kuanza

Klabu ya Bayern Munich inaweza kujikuta ikiingia kwenye matatizo na Chama cha Soka Barani Ulaya (UEFA) kutokana na kitendo cha mashabiki wake kuonyesha bango lenye maneno na alama zisizo za kiungwana mapema kabla ya kuanza kwa mechi yao ya hatua ya pili michuano ya Klabu Bingwa Ulaya dhidi ya Arsenal hapo jana.

Bango hilo, ambalo lilikuwa na maneno 'Gay Gunners' (Mashoga Gunners) na kikatuni cha kiungo wao Mesut Ozil kikiwa mbele ya alama klabu hiyo, lilionekana uwanjani hapo kabla ya mchezo huo kuanza ndani ya Allianz Arena.
Licha ya kuwa ni mtu anayeitwa mara kwa mara na kocha wa timu ya Taifa ya Ujerumani Joachim Low, kiwango cha hivi karibuni Ozil kwenye kikosi cha Arsene Wenger kimekuwa kikihojiwa ndani ya nchi yake huku mashabiki na vyombo vya habari vikielekeza macho yao kwenye Kombe la Dunia nchini.

Mesut Ozil akisumbuana na mshambuliaji wa Bayern Mario Mandzukic