'Tunajua Namna ya Kuifunga Arsenal' – Rooney

Wayne Rooney

Wayne Rooney anaamini muendelezo na uzoefu wa Manchester United kuifunga Arsenal utawafanya wawe kwenye hali bora kwenye mechi yao ya Jumapili dhidi ya mahasimu wao ambao kwa sasa wanaoongoza ligi.

Mashetani wekundu wako pointi nane nyuma ya Washika Bunduki mara baada ya kuanza msimu vibaya ila kwa sasa wamefanikiwa kucheza mechi nane bila kufungwa kwenye mashindano yote.

Rooney anaamini kwamba timu yake inaweza kufika mbali kwa kuziba mianya iliyopo ndani ya Old Trafford.

"Hakika tuna uwezo wa kuifunga Arsenal - tumefanya hivyo kipindi cha nyuma ," mchezaji huyo wa kimataifa wa Uingereza aliwaeleza Waandishi.

"Wapo kwenye kiwango bora kwa sasa na wanaongoza ligi, hivyo tunajua tutakuwa na mchezo mgumu, tunahitajika kuingia kwenye mchezo huo tukijiamini, huku tukiwa na imaniya kuwasogelea karibu huku nasi tukirudi kwenye kiwango chetu."