Bifu Kali 50 Cent na Steve Stoute Kwenye Gemu ya Knicks Iliyotokana na Kauli ya Stoute Aliyoitoa Alipofanya Mahojiano na Angie Martinez [PICHA]

50 cent ana kitu kinachomkwaza juu ya Steve Stoute, hii ilidhihirika wikiendi iliyoisha kwenye gemu ya Knicks. Stoute kwa sasa yupo kwenye promo ya makala yake ijulikanayo kama ‘Tanning of America’ ambayo inahusisha mambo ya muziki, ushawishi, historia ya hip hop na mengineyo.

Bifu yao ilianza pale Stoute alipokuwa kwenye show ya Angie na kutaja listi ya wasanii wenye ushawishi zaidi kwa kipindi chote. Ilipofika kwa 50 alisema, "[50 Cent] hajafanya ngoma kali kwa kipindi kirefu. Hajafanya kitu chochote kimuziki kilichobadilisha kitu chochote kwa  muda mrefu."

50 hakukubaliana na mtazamo hasi wa jamaa, hivyo alipokutana na Stoute uwanjani hapo kwenye gemu iliyochezwa mwishoni mwa wiki alikuwa na maneno ya kuongea na Stoute.

Kama uliiona picha ya wawili hao walipokuwa kiwanjani wakati gemu ikiendelea, naamini utagundua kwamba ishu hii ni siriasi. Binafsi najiuliza kama walikuja kufikia muafaka. Naamini tutakuja kusikia mengi zaidi kwa siku za usoni.