Mshabiki wa Arsenal Amchoma Kisu na Kumuuwa Shabiki wa Liverpool Baada ya Kipigo cha 5-1

Kenya: Mshabiki mmoja wa timu ya Liverpool juzi Jumamosi alichomwa kisu mpaka kufa kwenye eneo la Makutano Shopping Centre, Meru mjini, mara baada ya malumbano kati yake na shabiki mmoja wa Arsenal juu ya kutokubaliana na matokeo ya mechi ya timu zao iliyochezwa kwenye uwanja wa Anfield.

Kwa mujibu wa gazeti la People Daily la nchini humo, bosi wa polisi wa Imenti North, Tom Odero alisema David Mwangi (dereva wa boda boda) alimchoma na kisu kifuani Anthony Mutethia mwenye umri wa miaka 25.

“Alitangazwa kuwa amekufa muda mfupi bada ya kufikishwa Meru Level Five Hospital. Mtuhumiwa alikimbia ila pikipiki yake ilipelekwa polisi na wananchi wa Makutano,” alisema Odero.